ఈ బంధానికి ఏ పేరు పెట్టాలి? -2

మధ్యాహ్నం అయ్యే సమయానికి క్లాసులన్నీ ముగించుకుని బేబీ కేర్ సెంటర్‌కి వెళ్లింది.

“సాక్షి… నీ కొడుకు చాలా మంచి బాబు. రెండేళ్లే అయినా, మేము చెప్పిన మాట అంతా వింటాడు. అసలు ఎక్కువ మొండితనం చేయడు. తెలుసా… అంతా నీలాగే.”“వెళ్లు… ఫుడ్ తినిపించాను. నిద్రపోతున్నాడు.”

“థ్యాంక్స్ సుమా.”థ్యాంక్స్ అన్నీ ఎందుకు? ఇది నా పనేగా.”

లోపలికి వెళ్లి ఊయలలో నిద్రపోతున్న తన కొడుకును చూస్తూ కూర్చుంది.అచ్చం వెన్న కృష్ణుడిలా ఉన్నాడు.

గోధుమరంగు కళ్లతో…గుండ్రంగా బొద్దుగా ఉన్నాడు.ఇప్పుడిప్పుడే మాటలు నేర్చుకుంటున్నాడు.

బాబు పుట్టిన విషయం సాక్షికి తప్ప, బాబు తండ్రి కుటుంబానికీ, సాక్షి కుటుంబానికీ తెలియదు.

“మమ్మ్…” అంటూ నిద్రలోనే కలవరించి బాబు లేచాడు.ఆలోచనల నుంచి బయటకు వచ్చిన సాక్షి…బాబును భుజంపై ఎత్తుకుని,బేబీ బ్లాంకెట్ కప్పి,తనతో పాటు Hospital ki తీసుకుని వెళ్లింది.

“డాక్టర్… నా కొడుకుకి ఏమైంది?” అని అడిగింది.సాక్షి

“సాక్షి… నువ్వు మొదట ఐదు నెలలు Tablets సరిగ్గా వేసుకోలేదు. అండ్… ఆ సమయంలో HealthyFood, Vegitables, Fruits తినలేదు. అందుకే Babyకు ఇలా అయింది. ఈ దగ్గు, జలుబు అంతే.

ఇప్పుడు తల్లిపాలు, మంచి ఫుడ్ తింటున్నాడు కదా. ఆరోగ్యంగానే ఉన్నాడు. ఏమీ లేదు అమ్మా… జాగ్రత్తగా చూసుకో. అండ్… నువ్వు కూడా ఎక్కువ Fruits, Vegitables తిను. ఏం… సరేనా?” అన్నారు.డాక్టర్.“హ్మ్…” అంటూ తల ఊపింది.

సాక్షి ఈ మంగళూరుకు వచ్చినప్పుడు ఆరు నెలల గర్భిణి.ఒంటరి అమ్మాయి…తోడుగా కడుపులో ఉన్న బిడ్డ…చదువు ఉండడంతో హై స్కూల్‌లో టీచర్‌గా చేరి, ఒంటరిగానే తన బిడ్డను పెంచుకుంటూ రెండు సంవత్సరాలుగా ఇక్కడే ఉంటుంది.

“ఆయుష్… తీసుకో బంగారం… చాక్లెట్.” అంటూ డాక్టర్ ఇచ్చారు.“థ్యాంక్స్…” అని ముద్దుగా చెప్పాడు.

“అయ్యో… బంగారం కదా .” అని డాక్టర్ స్వర్ణ అన్నారు.ఆవిడే సాక్షికి డెలివరీ చేశారు.భర్త, నాన్న, అక్క, అన్న, అత్త… ఎవరి నుంచి దక్కని ప్రేమ, ఆప్యాయత, ప్రశాంతతను…మంగళూరులో ఎలాంటి బంధుత్వం లేని వాళ్లే సాక్షికి ఇచ్చారు.వాళ్లతో కొద్దిసేపు మాట్లాడి, తన కొడుకును తీసుకుని ఇంటికి వెళ్లింది

“అయ్యో… అయ్యో… ఓయ్… నా చిన్నూకి ఆకలిగా ఉందా బంగారం? రా… నీకు అన్నం తినిపిస్తాను.” అని చెప్పి, కొడుకును నడుముపై ఎత్తుకుని ఫుడ్ తయారు చేసింది.

 టీవీ ఆన్ చేసి, బాబును వాకర్‌లో కూర్చోబెట్టింది.బాబు ఆడుకుంటూ భోజనం చేశాడు.తర్వాత తానూ భోజనం చేసి, బాబుతో కలిసి ఆడుకుంటూ కూర్చుంది.

******************************.

“ఇక ఇంటికి వచ్చిన తారక్‌ను ఆఫీస్ పని తనవైపు లాగుతోంది.రాత్రి 10:30 వరకు ఆఫీస్ పని ముగించుకుని, ఒళ్లు విరుచుకుంటూ సోఫాలో కూర్చున్నాడు.డిన్నర్‌లో సరిగా భోజనం చేయకపోవడంతో ఇప్పుడు అతనికి ఆకలి వేసింది.

మెట్లు దిగి కిందికి వెళ్లి, భోజనం వడ్డించుకుని తిన్నాడు.చల్లారిపోయిన భోజనం.రెండేళ్ల నుంచి అతనికి అదే అలవాటు అయిపోయింది.అందరూ పడుకున్నారు.భోజనం వేడి చేసుకుని తినేంత సమయం అతనికి లేదు.

సాక్షి గుర్తొచ్చింది.అతను ఆఫీస్ నుంచి వచ్చిన వెంటనే…అతనికి కావాల్సినవన్నీ ఆమెనే చూసుకునేది.రాత్రి అతను ఎంత ఆలస్యంగా వచ్చినా…అతని కోసం వేడి వేడి భోజనం సిద్ధంగా ఉండేది.

“తారక్… నన్ను పిలవొచ్చుగా. నువ్వే వడ్డించుకుని తింటున్నావా?”నో ప్రాబ్లమ్ మామ్.”“ఓకే.” అని చెప్పి నీళ్లు తీసుకుని రూమ్‌లోకి వెళ్లారు కౌసల్య గారు.భోజనం ముగించుకుని తారక్ కూడా తన రూమ్‌కి వెళ్లాడు.లైట్ ఆఫ్ చేసి పడుకోవడానికి ప్రయత్నించాడు.కళ్లను మూసుకున్న వెంటనే…పాత జ్ఞాపకాలు అతనిపై దాడి చేశాయి.

కౌసల్య, చంద్రప్రసాద్ యాదవ్ దంపతులకు ఇద్దరు పిల్లలు.

తారక్ రామ్ యాదవ్, తన్మయి యాదవ్.చంద్రప్రసాద్ యాదవ్ గారు ఒక కాలేజీకి ప్రిన్సిపల్.కౌసల్య గారు ఒక పెద్ద కంపెనీలో ఉద్యోగం చేసేవారు.పిల్లలు పెద్దవాళ్లు అయిన తర్వాత ఉద్యోగం వదిలేసి ఇంట్లోనే ఉంటున్నారు.కానీ ఇంట్లో ఉండడం కంటే లేడీస్ క్లబ్‌లోనే ఎక్కువ సమయం గడుపుతుంటారు.

తన ఎడ్యుకేషన్ అంతా ఫారిన్‌లోనే పూర్తి చేసిన తారక్…తాతగారి కంపెనీని మరింత పెద్దదిగా అభివృద్ధి చేసి,కేవలం **”యాదవ్ గ్రూప్ ఆఫ్ కంపెనీ”**గా ఉన్న పేరును… **”తన్మయి యాదవ్ గ్రూప్ ఆఫ్ కంపెనీ”**గా మార్చాడు.అది తన చెల్లెలిపై ఉన్న ప్రేమ.

“అన్నయ్యా… నీతో ఒక విషయం మాట్లాడాలి.”“చెప్పు తను.”

అన్నయ్యా… నేను ఒక అబ్బాయిని ఇష్టపడ్డాను.అతను మన ఫ్యాషన్ డిజైనర్ కంపెనీలో మేనేజర్‌గా పని చేస్తున్నాడు.చాలా మంచి వాడు.ప్లీజ్… అతనితో నా పెళ్లి చేయించు.”తారక్ కొద్దిసేపు ఆలోచించి…

“సరే… ముందు అతన్ని నేను కలవాలి.” అన్నాడు.థ్యాంక్యూ అన్నయ్యా.” అంటూ అతన్ని హత్తుకుని తన రూమ్ వైపు పరుగెత్తింది.

ఎదురుగా జ్యూస్ గ్లాస్ పట్టుకుని వస్తున్న పనిమనిషి చేతిలో నుంచి జ్యూస్ గ్లాస్ కింద పడిపోయింది.దానికి కారణం తన్మయే.“యూ ఇడియట్… నీకు కళ్లున్నాయా లేదా?” అంటూ పనిమనిషిని కొట్టింది.సోఫాలో కూర్చున్న చంద్రప్రసాద్ గారు…జరిగిన ఈ దృశ్యాన్ని చూసి కోపంతో తన కూతురిని గట్టిగా పిలిచారు.

“ఏంటి డాడీ?”కమలమ్మకు సారీ చెప్పు.”“వై డాడ్?”

“నీకంటే పెద్దవాళ్లు వాళ్లు. వాళ్ల మీద చేయి చేయడానికి నీకు ఎంత ధైర్యం?” అని అడిగారు.

“ఏంటీ ఈ గొడవ డాడీ?” అని తారక్ అడిగాడు.“తారక్… నీ గారాబం వల్లే నీ చెల్లెలు చెడిపోతోంది.”

“”డాడీ… తన్మయి పనిమనిషిపై చేయి చేసిందంటే, దానికి కారణం ఆ పనిమనిషి తప్పే. అంతే. మీరు నా చెల్లెలికి ఏమీ చెప్పొద్దు. డాడీ.” అని చెప్పి…తన్మయి వైపు చూసి,“చిన్ను… సంతోష్‌ని సాయంత్రం తాజ్ హోటల్‌కి రమ్మని చెప్పు.” అన్నాడు.

“ఓకే అన్నయ్య.” అని చెప్పి వెళ్లిపోయింది.

“చంద్రూ… పిల్లలను వాళ్ల ఇష్టానికే వదిలేయండి.మీరు ఎందుకు ప్రతి విషయంలోనూ జోక్యం చేసుకోవడానికి ప్రయత్నిస్తారు? తారక్ ఒక కంపెనీ సీఈఓ.ఇక తను తన ఫ్రెండ్స్‌తో కలిసి ఒక ఫ్యాషన్ డిజైనర్ కంపెనీ నడుపుతోంది.

“వాళ్లకు బుద్ధి చెప్పడానికి వెళ్లకండి.” అని చెప్పి…భారీ ఖరీదైన పట్టుచీర కట్టుకుని రెడీ అయి లేడీస్ క్లబ్‌కి వెళ్లిపోయారు.

“ఛీ… ఈ అమ్మకు పిల్లల ముందు నా మాటకే విలువ లేదు. అని చెప్పుకుంటూ చంద్రప్రసాద్ గారు కాలేజీకి వెళ్లిపోయారు.

రఘు మొదటి భార్య పిల్లలు…సంతోష్, సమంత.సమంతకు జన్మనిచ్చిన తర్వాత ఆమె చనిపోయింది.

ఇంట్లో వాళ్ల బలవంతం వల్ల శాలినిని పెళ్లి చేసుకున్నా…సమంతకు రెండేళ్లు వచ్చే వరకు శాలిని, రఘునాథ్ నిజమైన భార్యాభర్తల్లా జీవించలేదు.ఒక రోజు మద్యం తాగి వచ్చిన రఘు…శాలినితో ఒక్కటయ్యాడు.

శాలిని చాలా మంచి మనసున్న ఆవిడ. సవతి తల్లి అనే భావం చూపించకుండా…సంతోష్, సమంతలను తన సొంత పిల్లల్లా పెంచింది.చివరికి…ఒక రోజు ఆమె కూడా తల్లి అయింది.ఒక Cute BabyGirl కు జన్మనిచ్చింది.

ఆ Baby … శాలినికి తప్ప, మిగతా వాళ్లకు అవసరం లేని Baby.

ఆమెనే సాక్షి.

తల్లిని తప్పితే… చదువే ఒక్కటే ఆమెకు ప్రపంచం  ,డిగ్రీ పూర్తి చేసి ఉద్యోగం కోసం వెతుకుతోంది.

ఇక సంతోష్, సమంత, తన్మయ… ముగ్గురూ కలిసి ఫ్యాషన్ డిజైనర్ కంపెనీలో పని చేస్తున్నారు.వాళ్లకు సాక్షి అంటే అస్సలు ఇష్టం లేదు.

ఆ అమ్మాయి తన ప్రపంచంలో తాను సంతోషంగా ఉండేది… తారక్ ఆమె జీవితంలోకి వచ్చే వరకు.

“సాక్షి… ఎక్కడికి వెళ్తున్నావు?” అని అడిగింది.శాలిని “అమ్మా… మా ప్రిన్సిపల్ ఒక చోట ఇంటర్వ్యూకి వెళ్లమన్నారు. అక్కడికే వెళ్తున్నాను.” అని చెప్పింది.“టిఫిన్ చేసి వెళ్లు రా. లేదు అమ్మా… టైమ్ అయిపోయింది. బై.” అని చెప్పి వెళ్లిపోయింది.

“హలో సర్… మీరు చెప్పిన ఆఫీస్ ముందే ఉన్నాను.”అవునమ్మా. అక్కడ చేతన్ అని ఉంటాడు. వెళ్లు… నీ గురించి చెప్పాను.”సర్… నాకు ఉద్యోగం వస్తుందా?”హ్మ్ అమ్మా… వస్తుంది. వెళ్లు.”

సాక్షి ఇంటర్వ్యూలో అడిగిన అన్ని ప్రశ్నలకు సమాధానం చెప్పి, ఉద్యోగం సంపాదించుకుని సంతోషంగా ఇంటికి వెళ్లింది.అమ్మా… ఇదిగో స్వీట్. నాకు ఉద్యోగం వచ్చింది.”అవునా చిట్టితల్లీ!”ఈరోజు నీకు ఇష్టమైన వంట చేస్తాను.”

“ఓహ్… చేయమ్మా, చేయి.”“సొంత కూతురు కదా… అందుకే తనకు ఇష్టమైన వంటలు చేసి పెట్టు.”

“అయ్యో… అలా ఏమీ లేదు అమ్మా. సమంత… నీకు ఇష్టమైన వంట కూడా చేస్తాను.”

పెదవి విరుస్తూ…

“ఈమె మొహానికి ఏదో చిన్న కంపెనీలో ఉద్యోగం వచ్చి ఉంటుంది. దానికే ఈ రేంజ్ బిల్డప్.” అని వెటకారంగా మాట్లాడి తన ఆఫీస్‌కి వెళ్లిపోయింది సమంత.

“నువ్వు బాధపడకు సాక్షి.” వదిలేయమ్మా… ఇవన్నీ నాకు అలవాటైపోయాయి.” అని చెప్పి తన రూమ్‌లోకి వెళ్లిపోయింది.

To Be continued………………