వాష్ రూమ్ నుండి బయటకు వచ్చిన శివకు ఒక్కసారిగా ఒంట్లో చలి జ్వరం వచ్చినట్లు అనిపించింది. ఆముదం పవర్ వల్ల కడుపులో ఇంకా గడబిడగా ఉన్నా, మాల్ కారిడార్‌లో సాహిత్య వెనుక నడుస్తున్న ఆ నల్లటి జాకెట్ రౌడీని చూడగానే అతని సాఫ్ట్‌వేర్ మైండ్ క్షణంలో అలర్ట్ మోడ్‌లోకి వెళ్ళిపోయింది. వాడు మరెవరో కాదు, జైలుకు వెళ్లిన చైర్మన్ రాజశేఖర్ పర్సనల్ గన్‌మెన్ ‘రంగా’. వాడు జైలు నుండి బెయిల్‌పై బయటకు వచ్చాడా లేక పారిపోయాడా అన్నది పక్కన పెడితే, వాడు ఇక్కడ ఉన్నాడంటే కచ్చితంగా సాహిత్యకు ముప్పు పొంచి ఉందని శివకు అర్థమైంది.
శివ తన జేబులు తడుముకున్నాడు. ఫోన్, వాలెట్, కార్ కీస్ అన్నీ టేబుల్ మీదే వదిలేశాడు. అవన్నీ ఇప్పుడు సాహిత్య బ్యాగులో ఉన్నాయి. కమ్యూనికేట్ చేయడానికి కూడా ఎలాంటి ఆధారం లేదు. శివ కడుపునొప్పిని భరిస్తూ, ఒక చేత్తో పొట్టను పట్టుకుని, గోడల చాటున దాక్కుంటూ సాహిత్యను, ఆమె వెనుక ఉన్న రంగాను ఫాలో అవ్వడం మొదలుపెట్టాడు.
