♥️బావ మరదలు♥️ – 18

శ్రీ సత్యనారాయణ స్వామి వ్రతం అత్యంత వైభవంగా ముగిసింది. మునసబు గారి పెద్ద ఇల్లంతా చుట్టాల కోలాహలంతో, నవ్వుల పువ్వులతో నిండిపోయింది. పూజ పీటల మీద శివకు సాహిత్య ఇచ్చిన ‘పచ్చి రేగుపండు’ షాక్ నుండి శివ ఎలాగోలా కోలుకున్నాడు. కానీ, వ్రతం అయిపోయాక అసలైన పల్లెటూరి సాంప్రదాయ తంతులు, ఆటలు ఇప్పుడే మొదలవబోతున్నాయని శివకు అస్సలు తెలియదు.

పూజ ముగిసిన వెంటనే పెద్దవాళ్లంతా కలిసి కొత్త జంటకు “మంగళ హారతులు” ఇవ్వడానికి సిద్ధమయ్యారు. జานకమ్మ, లక్ష్మి అత్తయ్య ముత్తయిదువులతో కలిసి పసుపు, కుంకుమ కలిపిన నీళ్ల పళ్ళెంతో హారతి పాడుతూ శివ, సాహిత్యలకు దిష్టి తీశారు.